Piparjónkurnar.is

Má ég fá þennan í jólasokkinn minn í ár

2006-10-27T15:09:00.000-07:00

Fór í bíó í dag, á DON, með Shah Rukh Khan. Þetta er Bollywood mynd og spennumynd í þokkabót. Verð að segja það að um leið og ég sé manninn þá fer ég að slefa, og um leið og hann fer að dilla bossanum þá er ég í sjöunda himni. Var einmitt að velta því fyrir mér að það er eins gott að það er ekki verið að fylgjast með viðbrögðum áhorfenda á myndum í bíóhúsum, því að ég var með fáránlegasta svip ever á mér þegar ég horfði á hann. Hann er meira að segja sexy þegar hann er að leika óþokka.
Getur einhver útvegað mér hann í jólagjöf, það væri gjöf sem huhuhu, yrði ekki sett fljótlega á hilluna heldur vel huhummm ... notuð. Ég get endalaust horft á hann. Ég get svarið það að allt við hann er sexy, jafnvel þegar hann er í ömurlegum gegnsæum Bollywood skyrtum. Take me, I'm yours, Shah Rukh.

It's a girly film ... go see

2006-10-25T14:01:00.000-07:00

Jæja, þar kom að því að lafðin léti frá sér heyra. Hún skellti sér í bíó í dag á Marie Antoinette og fannst tilvalið að fjalla svolítið um myndina. Því miður fáið þið ekki sérlega professional gagnrýni á myndina, læt allt svoleiðis eftir vinkonu minn, sem er að læra allt um kvikmyndir og það sem þeim tengist. En ég verð að segja það að þetta var nokkuð góð mynd. Bjóst alls ekki við því, bjóst við að hún væri rosalega frivalous og leiðinleg í garð Marie Antoinette, en þetta var virkilega flott mynd. Rosalega vel tekin, og allt umhverfi í myndinni hrífur mann með sér. Hef aldrei verið sérleg Kirsten Dunst aðdándi, en fannst þetta með hennar betri verkum. Það voru meira að segja atriði í myndinni sem löðuðu fram tár. Það er ekkert við myndina sem ég myndi taka of bókstaflega eða sem hefur sérstakt sannsögulegt gildi, því að því miður munum við sem minnst vita um hana sjálfa þótt við getum komið fram með getgátur um ævi hennar og framkomu. En jafnvel þótt hún sé sýnd í ljósi frekrar spilltrar stúlku sem veit lítið hvernig á að fara með fjárhaginn (sem er nú ekkert ósvipað mörgum stúlkum í dag) þá hefur maður líka samúð með henni og ósjálffrátt fann ég mig í því að hugsa hvernig í ósköpunum gat hún staðið undir öllu því sem var lagt á hana á pólitískum grundvelli án þess að hún hefði nokkuð um það að segja. Ráðlegg ykkur að fara á þessa mynd, því að þetta er góð stundargaman og munið bara að þetta er kvikmynd en ekki heimildarmynd.

Lafðin komin til Skotland

2006-09-19T12:16:00.000-07:00

Jæja, þá er Lafðin kom heim til sín í bili. Og vonandi ættu fréttir af djamm lífinu í Glasgow að fara að berast. Ekki það að það hafi verið mikið um það undanfarna daga hérna. Lenti á sunnudaginn í Glasgow fyrir hádegi og var frekar lítið upplögð í djamm það kvöldið. Síðan þá hefur Lafðin bara haft það rólegt í herberginu sínu, búin að horfa á hverja bíómyndina á fætur annarri. Svo hefur hún líka eitthvað reynt að læra. Lafðin fór í morgun að hitta Head of Celtic department hjá sér til setja niður hvaða fög hún er að fara í þetta árið. Hljómar allt mjög spennandi; Introduction to Medieval Welsh, Advanced Early Gaelic Texts, Introduction to Medieval Welsh Literature and Poetry og svo er náttúrulega punkturinn yfir i-ið, en það er Dissertation eða fræðiritgerðin sjálf. OOh, hvað er gaman að vera byrjuð aftur í skólanum!

Priapism

2006-09-12T15:23:00.000-07:00

Stundum læðist að mér grunur um að ég sé í röngu starfi, ég efast um hæfileika mína sem læknir, er óánægð í vinnunni og svo fram vegis, þeas eftir slæma daga. Svo gerist eitthvað stórkostlegt sem veldur því að ég er sannfærð næstu dagana.
Um daginn vorum ég og Hildur vinkona mín að horfa á sjónvarpið. einn gaur fór á bráðamóttöku með vandamál sem kallast priapism. Priapism er þegar karlmaður fær standpínu sem hættir ekki. Það getur orsakað skemmd á litla vininum á nokkrum klukkutímum.
Okkar viðbrögð við þessum þætti voru að fara í handbækurnar og flétta upp meðferðinni.

Nördar

Unaðsleg náttúran

2006-08-31T04:32:00.000-07:00

Ég horfði á stórkostlega kvikmynd, Ganga keisaramörgæsanna.
Það er magnað að þessi dýr labbi mörg hundruð kílómetra á hverju ári aftur til staðarins þar sem þau eru fædd. Þar finna þau sér einn maka (á ári) og það er ótrúlega sætt að sjá þau, standandi hlið við hlið með nefin saman. Síðan kemur eggið og þarf faðirnn að taka við því. Eitt mikilvægasta augnablikið er þegar egginu er rúllað á milli, ef þeim mistekst og eggið er örfáar mínútur án skjóls frýs það og unginn deyr. Faðirinn þarf svo að snara egginu upp á fæturna og láta það inn undir sig. Síðan fer móðirin til hafsins að ná í fæðu og á meðan passar karlinn eggið í yfir 125 daga meðan beðið er eftir móðurinni. Þar þurfa þeir að þola nístandi frost og rok og passa allan tímann að eggið sé innundir þeim. Svo standa þeir í einni kös á móti vindi og skiptast á að vera í miðjunni þar sem hlýtt er. Svo unga þeir út eggjunum.
Ég var alveg heilluð af þessum kyrrlátu dýrum, af því þegar þau stungu saman nefjum til að sýna ást sína og þegar þau rúlluðu egginu sínu á milli. Sigur náttúrunnar.

Daður gleður

2006-08-30T07:02:00.000-07:00

Það er unaðslegt hvað smá daður getur lífgað upp daginn. Ég elska að daðra og vera sem mest sjarmerandi. Síðustu vikurnar hef ég verið töluvert leið svo ég hef misst niður hæfileikann en í gær tók ég mig taki og daðrarði látlaust allan daginn. Það hjálpaði mikið og vinnudagurinn var mun skemmtilegri.
Annars lofa ég ykkur aktívari vefsíðu héðan af þar sem ég er loksins komin með tölvutengingu!

Magadans á menningarnótt

2006-08-16T13:53:00.000-07:00

Á menningarnótt munum ég og nokkrar aðrar magadansmeyjar sýna magadans kl 17.15 fyrir AmnestyInternational. Þetta verður í Hafnarstræti fyrir framan skrifstofur Amnesty (og Hornið veitingastaðurinn)
Komið endilega!
www.magadans.is

Draumur hverrar stúlku

2006-07-19T15:37:00.000-07:00

Þessi Lafði hefur upplifað ýmislegt á sinni "ungri" ævi, en það er ekki margt sem slær við 11. júlí 2006. Þá var Lafðin stödd í brúðkaupi og var það haldið í Skotlandi. Vinur Lafðinnar var að gifta sig og var svo sætur í sér að bjóða mér að vera viðstödd og upplifa skoskt brúðkaup í allri sinni dýrð. Þetta var magnaður dagur sem seint gleymist.
Auðvitað var þetta eitthvað allt annað en Íslendingur upplifar þegar hann mætir í brúðkaup hérna á klakanum, allir svo ligeglad og good feeling og afslappað. Þarna var það aðeins öðruvísa, presturinn bara í jakkafötum og hvassorður um að enginn mætti taka myndir á meðan á athöfinni stæði, og allt svakalega trúarlegt og karlrembulegt fannst mér líka, svona aðeins eins og maður væri í einhverjum sértrúarsöfunuði, veit reyndar ekkert um það. Það kom síðan í ljós að flestir vinirnir voru vinir úr kirkjunni. Svolítið annað andrúmsloft, fyrir Íslendinga sem eru vanir að fara bara í kirkju þegar eru brúðkaup og jarðarfarir, þá var þetta svolítið spes. Síðan var farið upp í skólann minn, þar sem veislan var haldin, rosalega skrítið að sitja við að borða og drekka í sama salnum og maður er vanur að sitja sveittur yfir prófunum. Það var hlaðið í okkur mat, boðið upp á borðvín og vatn og allt sem manni gat dottið í hug, síðan eftir matinn, opnaði svona lítill bar þar sem maður gat keypt ýmislegt annað til að svala þorstanum. En hápunkturinn var náttúrulega kvöldið eftir matinn. Af þvi að þetta var nú skoskt brúðkaup þá vantaði ekki að karlmennirnir klæddu sig upp á skoskan máta, og var því Lafðin umkringd stæltum karlmönnum í pilsum. Lafðin átti nú bara erfitt með sig, enda átti vinkonan í stökustu vandræðum með Lafðina og reikandi augnaráði hennar sem sífellt leitaði niður á við, en staldraði lítið við á andlitunum. Eftir matinn var nefnilega tekið til við að dansa skoska dansa. Og þá fengu pilsin að fljúga til og frá svo Lafðin var alsæl að sitja og horfa á. En náttúrulega má ekki láta svona tækifæri framhjá sér fara og dreif hún sig svo að lokum út á gólfið. Dansherrann hennar var ungur maður sem hét Ewan (ekkert of ólíkur nafna sínum Ewan McGregor) og sveiflaði hann Lafðinni til og frá. Eða réttara sagt, hann hélt henni uppréttri. Því eins og sumir vita þá er Lafðin ekki mikið hreyfanleg og á í vandræðum með bilað hné, en hún lét ekkert stoppa sig við að halda út sex mínútna dans. En það tók líka á og var Lafðin dauð eftir á, það má segia að hún hafi rétt lafað uppi þangað til hún plammaði sér niður á næsta stól. Þetta er líklega eina brúðkaupið sem Lafðin hefur farið í og mun fara í á lífstíð sinni þar sem eins mikið af vatni var drukkið og þarna. Það létu sko allir vínið lönd og leið og helstu kaupin á barnum voru 2 lítra flöskur af vatni. Enda var mikið hlaupið á prívatið, eins og því fylgir.
Lafðin var rosalega ánægð með kvöldið og daginn og ef einhver er rosalega spenntur fyrir að sjá hvernig orka fer í þessa skosku dansa, þá lumar Lafðin á litlu myndbandi sem sýnir sveiflurnar vel. Kíkið á myndbandið á myndasíðunni minni: http://gelin.myphotoalbum.com

Næturvaktir

2006-07-16T01:31:00.000-07:00

Jæja þá er næst síðustu vaktinni af 9 næturvöktum í röð senn að ljúka. Það borgar sig sko ekki að horfa á sjálfan sig í spegli eftir að sofa tvisvar í einn klukkutíma í senn í nótt.
Fegurðin skín ekki beint af mér núna.

Lítið hefur gerst í lífinu þessa vikuna, öll einbeitingin hefur farið í vaktirnar.
Ég ætla að skríða heim, sofa og þegar ég vakna ætla ég að baka pönnukökur, mmmmmmm.

Svo ætla ég að verðlauna mig með spa meðferð á fimmtudaginn, nudd og sauna á Nordica Spa.

Möguleikar á barneignum piparjónka

2006-07-09T07:08:00.000-07:00

Ég var í saumaklúbbi með nokkrum af barnæskuvinkonum mínum. við ræddum barneignir og ég velti fyrir mér eftirfarandi sem ég vil gjarnan fá komment á
Núna tel ég að ég yrði ágætis móðir, ef mig langar í barn og verð áfram piparjónka hver er þá besti möguleikinn þegar tillit er tekið til mín, barnsins og tilvonandi föður?
-ég fæ líklega ekki að ættleiða því pör ganga fyrir
- ég get farið í sæðisbanka en þá á barnið engan pabba
-ég get fundið einhvern gaur og sofið hjá honum og orðið ólétt (en ég var á pillunni....) og þá að sjálfsögðu vandað valið og passað að þetta sé almennilegur náungi. Illa gert gagnvart manninum en barnið á þá föður
- síðasti möguleikinn er að semja við einhvern karlkynsvin sem á ekki börn en vill þau, td samkynheigðan vin.

Hvað finnst ykkur?

bla

2006-07-01T16:29:00.000-07:00

bla bla

Sex and the city

2006-06-29T08:44:00.000-07:00

Tæpur mánuður er síðan 3 fagrar piparjónkur hófu búskap á Kleppsveginum.
Íbúðin er glæsileg, með útsýni yfir Laugardalinn og Esjuna. Planið er að kaupa glæislegan hornsófa sem 2 geta legið í í þynnku eftir djamm og síðan hægindastól fyrir þá þriðju. Síðan munu verða endalaus heimboð fyrir vini og kunningja, kokteilaboð, hösl osfv.
Lífið er bara ansi gott þessa dagana, vinnan er skemmtileg, magadansæfingar ganga vel og svo er tangó stiginn amk vikulega.
Svo er líka sól úti.
Kveðjur

Lafðin lifir

2006-06-14T13:23:00.000-07:00

Fannst að það væri kominn tími til að láta heiminn vita að Lafðin er enn á lífi og spriklar skemmtilega mikið í vinnunni. Lafðin er komin í ágætis skap núna eftir að einkunnir hennar birtust loksins á vefnum frá Háskólanum í Glasgow. Þeir sem ekki vita, þá hefur verið verkfall í gangi sem þýddi það að Lafðin er búin að vera að bíða í einn og hálfan mánuð eftir einkunum. Frekar pirrandi fyrir hana, enda er hún vön að þegar hún smelli fingrunum að þá sé hlaupið til við að aðstoða hana. Og góðu fréttirnar eru náttúrulega þær að Lafðin náðu öllum sex prófunum. Þetta var strembin törn, en allt gekk að óskum. Lafðin stóð sig meira að segja best í þeim fögum sem henni fannst ganga verst í í prófunum, en er það ekki alltaf þannig. Það virðist einungis vera að þegar Lafðin er pirruð og röflar mikið að þá eru kennararnir hrifnastir. Bestu fréttirnar eru hins vegar þær, að af því að Lafðin náði prófinu í Introduction to Early Gaelic (Old and Middle Irish) þá fær hún að halda áfram á næsta ári, sem þýðir .... dadarada .... bara eitt ár eftir í Masterinn. Nú þarf bara andinn að koma yfir Lafðina svo að hún geti hespað af einni dissertation ritgerð í sumar og hún er klár!
Lady with a bottle of chianti,
calling for help, oh, spiritus sancti,
give this girl a good kick in the backside to get her started :)

Tangó

2006-05-26T01:42:00.000-07:00

Á miðvikudaginn átti ég ánægjulega kvöldstund. Það var tangókennsla í alþjóðahúsinu. Síðan var Milonga þar sem tangó var stiginn fram eftir kvöldi. Venjulega er skortur á herrum en þetta kvöld voru nokkrir einstæðir dansherrar. Svo ég fékk að dansa af mér skóna þetta kvöldið. Kvöldið leið áfram við dramatíska tónlist og sterkar tilfinningar, þar sem lífið hefur verið frekar erfitt núna svo að ég er viðkvæm. ég fann tónlistina gjörsamlega duna í æðunum og naut mín í botn. Sérstaklega var gaman að dansa við einn bandarískan nördalegan gaur sem var frábær dansari. Það er eins og ég hef oft sagt stórkostlegt þegar karlmenn geta dansað. Auk þess fær maður vissa útrás í dansinum, maður dansar við fullt af mönnum og fær útrás fyrir þörfina fyrir nálægð. Ef maður er í sambandi held ég að maður fái útrás fyrir fjöllyndi sitt en án framhjáhalds.

Kvöldið var svo skemmtilegt að ég varð ekki einu sinni fúl þó að gaurinn sem ég var að reyna við svaraði ekki smsum (karlmenn...... asnar). Síðan héldum við heim til Maríu Stellu, ítölsku vinkonu minnar, þar sem áfram var dansað, nema ég sem fékk að sofa í smá tíma eftir erfiða viku. Þar var snarað fram pasta fyrir 6 manns og kjaftað fram eftir nóttu. Una noche brilliante.

Kosningar innan skamms, upp með vopnin dömur

2006-05-25T09:39:00.000-07:00

Jæja jæja. Ég var satt að segja næstum alveg búin að gleyma þessum litla kósí stað okkar í netheimum, en sé að sem betur fer hafa einhverjar góðar dömur séð sér fært að slá inn innskotum og fréttum.

ég ætla ekkert að rabba um mig að þessu sinni (enda lang minnst djarfa konan sem skrifar hér) heldur ræða aðeins alvarlega við ykkur um kosningarnar sem eru framundan í borginni. Þetta eru stór tíðindi, miklir viðburðir og hræðilega alvarleg vá sem steypist yfir okkur öll ef ekki verður rétt að málum staðið (og það þýðir að allar piparjónkur þurfa að leggjast á eitt og taka þátt í að hjálpa góðum öflum til valda og berjast gegn þeim illu sem alla hafa skaðað og aldrei gert neitt gott svo sannanlegt er - amk unanfarin tíu ár)

Ég er ekki með lögheimili í borginni en hef verið íbúi þar í 10 ár. Reyndar skipta stjórnmálin í mínu sveitarfélagi litlu sem engu fyrir mig en Reykjavík skiptir öllu (þótt ég sé að fara að flytja) því að þar finnast merki þess að fólk sé farið að gleyma og byrjað að gefa sig sjálfviljugt óvininum á vald í stórum stíl. Það þýðir með sál og öllu.

Það veldur mér áhyggjum að fólk sé að falla fyrir lymskunni og illskunni í sjálfstæðisflokknum í borginni. Ef þeir ynnu, myndi það drepa niður síðustu von þess að íslenska þjóðin eigi virðingu skilið. Tækifærin munu hætta að birtast og við endum einsog þjóðin á Páskaeyju. (það er eitthvað sem við viljum ekki, því þeir úrkynjuðust og meikuðu síðan ekki lífsbaráttu eftir að hafa átt sér glæsta fortíð)

Ég veit þetta svo innilega fyrir víst því að í gær sendu þau út póst og hann var stílaður á ungt fólk, ég veit ekki hvort það var bara innan flokksins eða almennt í borginni. Allavega, þá fékk maður sem býr ekki hér í húsinu tvö eintök af þessum bæklingi og vitiði hvað? Það var einsog HITLER´S YOUTH væri að reyna að ná í nýja meðlimi. Þau eru SVO misheppnuð þetta óguðlega sjálfstæðisp***. Ekki nóg með það að tengsl sjálfstæðisflokksins við nazistaflokkinn hafi verið augljós og söguleg staðreynd á tímum Hitlers og raunar eftir það líka en núna eru Gísli Marteinn og þetta unga fólk sem dagað hefur uppi sjálfumglatt í flokki sem þessum (til að verða rík og ríkari) að halda uppá það með því að búa til plaggöt sem minna fólk á þessi sönnu og óumdeilanlegu tengsl!

Allavega, þegar kemur að kjördegi elskurnar mínar, ekki þá falla fyrir lygum og blekkingum innantóms fólks sem hefur þegar verið staðið að lygum. Sleppið því frekar að kjósa. Atkvæði sem hjálpar hinu illa verður aldrei aftur tekið og þið getið ekki breytt því. Ef þið hafið bara skoðað auglýsingar, sleppið því þá að kjósa. Það er betra heldur en að vera með og hjálpa einhverju vondu að fæðast inní heiminn. Munið það.

Opinber afstaða þessarar heimasíðu er að SJÁLFSTÆÐISFLOKKURINN MEGI ALDREI AFTUR KOMAST TIL VALDA Í BORGINNI OG MUNI VONANDI STEYPAST AF STÓLI OG HÆTTA AÐ VERA TIL Í LANDINU ÖLLU - öllum til góðs og blessunar. Hallelúja ;)

og svona enn frekar til að árétta þetta þá eru hér nokkrar staðreyndir sem þið getið ekki sleppt því að muna eftir nema að gefa upp smá af mannlega eðlinu ykkar líka;

1. það er ekki hægt að taka konu alvarlega sem segist vera femínisti og styður líka sjálfstæðisflokkinn. alvöru jafnréttissinnar og fólk með gott eðli hlær bara að þeim því að þær eru einsog brúður. Þetta er ekki rógur og kíkiði bara á tíkin.is til að sjá þetta sjálf. Það er með því sorglegasta sem ég veit um, málflutningurinn á þeirri síðu. Þetta eru maskínur fyrir flokkinn og ekkert annað.

2. sjálfstæðisflokkurinn og enginn annar flokkur ber ábyrgð á því að við séum huti af bandalagi george w. bush gegn réttlæti og sannleika í heiminum. grikkir hlæja að okkur þessvegna en ekki vegna þess að við höfum sent þeim silvíu nótt í nokkra daga. Við erum athlægi vegna þáttöku okkar í stríði og ekki vegna neins annars.

3. sjálfstæðisflokkurinn sem hefur ráðið svotil öllu öðru í þessu landi, hefur viljandi gert borginni allt til miska sem hann hefur getað, einsog að fjársvelta hana í verkefnum og skammast sín síðan ekki neitt. Það verður bara fjári gaman að sjá þau grenja enn eina ferðina, útaf borginni, hver man ekki eftir kvöldnu þegar Björn Bjarnason stríðsmála ráðherra og þeirra helsta hetja (andhetja reyndar en þau sjá hann sem góðan) var rasskelltur og niðurlægður? Vilhjálmur V á kannski ekki skilið sömu útreið en trúið mér, Hanna Birna og Gísli Marteinn þurfa að læra sína lexíu. Horfum og hlæjum ;)

Eurovision

2006-05-22T01:48:00.000-07:00

Ég horfði með mikilli ánægju á Eurovision. Það skyggði að sjálfsögðu á að Silvía var ekki með, húmorslaust fólk. Ég hélt með Finnunum enda búningaaðdáandi með meiru. Svo finnst mér æði þegar það að stripplast á sviði gerir ekki útslagið til sigurs. Fjöldi ungra meyja voru hálfnaktar uppi á sviði en unnu samt ekki. Strákarnir voru því miður ekki eins mikið augnakonfekt, engin jafnréttindi þar.
En Finnarnir komu sáu og sigruðu í sínum hot búningum.
Síðan var djammað fram eftir nóttu og nóttin endaði ansi vel á piparjónkukvarða.

Ladies in distress

2006-05-21T10:38:00.000-07:00

Lafðin og her special lady friend lentu í ævintýri í gærkvöldi eftir Eurovision. Vorum á leið eftir Vesturlandsveginum í átt að miðbænum þegar vinkonan tók eftir skrítnu hljóði frá bílnum og hægði sem betur fer ferðina. Ók bílnum út í kannt og athugaði málið. Framdekkið var sprungið. Þetta hefði getað farið verr en sem betur fer fór svo ekki. Hvað tók nú til ráða. Lafðin vildi náttúrulega kalla upp allan karlpeninginn í ættinni til að redda málunum enda á þeim skoðunum að þeir séu nú til staðar til að redda dömum úr vandræðum meðal annars. Vinkonan hringdi í foreldrana til að athuga hvort þau væru einvhers staðar í grennd en svo var ekki, þannig að hún vippaði sér bara út og bretti upp ermarnar. Það tók nokkurt átak en á endanum tókst að losa dekkið og skipta um. Við lölluðum svo til baka á bíl með eitt dekk af fjórum doltið minna en hin þrjú. En eitt tókum við lafðirnar eftir og það var að við vorum í vegakannti á velförnum vegi í Reykjavík, en það varð nú ekkert af því að nokkur karlmaður eða annar ökumaður stoppaði til að athuga eitt eða neitt með okkur. (Það er sko hægt að kenna gemsanum um þessa þróun, segir mamma). Hefði mér verið skítt sama hvort þeir hefðu úr þessu verið eitthvað liðlegir en Lafðin hefði nú verið ánægð að vita að einhverjum hefði verið sama um þær. Svo var nú þessi líka flotta rassi vísað beint í sjónlínu ökumanna þar sem þeir þeystust framhjá. En nei svo var ekki, við vorum látnar alveg afskiptalausar og Lafðin stóð í sínu fína pilsa með það flaxandi til og frá í vindinum, reynandi að leika ekki eftir Marilyn Monroe og algjörlega eins og illa gerður hlutur að halda vinkonunni félagskap.
Nú er spurt: Hvar eru karlmennirnir í dag eða eru þeir orðnir svo metrósexual að þeim dettur ekki í hug að rétta fram hjálparhönd þar sem það myndi sýna fram á að þeir ráða ekki við slíka hluti, eins og að skipta á bíldekkjum, lengur? Stelpur stöndum saman og látum ekki karlmennina (sem ennþá teljast til þeirra) halda að við séum algjörlega hjálparvana. Við getum þetta bara sjálfar, sérstaklega ef góðar vinkonur eru með, ef það er einungis bara vegna félagsskaparinns.
Takk fyrir frábært ævintýrakvöld Hrabba mín.
kveðja
Elín

What do you say after sex

2006-05-14T15:16:00.000-07:00

Aries: I' m hungry, pass the pizza.
Taurus: Okay, let's do it again.
Gemini: The first round was all good, ready for the next round?
Cancer: When are we getting married?
Leo: Wasn't I fantastic?
Virgo: I need to wash the sheets.
Libra: I liked it if you liked it.
Scorpio: Perhaps I should untie you.
Sagittarius: Don't call me, I'll call you.
Capricorn: Do you have a business card?
Aquarius: Now let's do it again and again and again and again...
Pisces: So what is your name again?

Ég er sporðdreki elskurnar....

Að sigrast á erfiðleikum

2006-05-07T10:43:00.000-07:00

Stundum tekst maður á við erfiða hluti, og alltaf þegar það gegnur upp gengur maður um með glott á vör og klappar sér öðru hverju á bakið.
Í gær kleif ég Snæfellsjökul, 1400 metra, með 2 vinum mínum. Skygnið var bara 15metrar og við fórum áfram með GPS tæki og áttavita, svo kom brjáluð rigning og rok og slydda á toppnum. En við komumst upp.
Svo tókst mér vel upp með alls konar erfiða sjúklinga í síðustu viku. Klapp á bakið.

Dresscode

2006-05-01T15:02:00.000-07:00

Ég og piparundur, tilvonandi samleigjandi minn, vorum að ræða atriði úr Friends þar sem Richard kærasti Monicu og Ross mætast á klósettinu í kvenkynssloppum að leita að smokkum. Mér finnst satt að segja vel vaxnir karlmenn í kvenkyns nærfötum/krosettum (a la Rocky Horror) hot.

Svo ég sá fyrir mér endalaust skemmtilegar uppákomur ef við sendum gaurana fram á efnislitlum kvenkyns náttsloppum að sækja smokkana inn á bað.

En piparundur stakk upp á að raunveruleikinn væri ekki svo góður, fæstir elskhuganna myndu hafa vöxt til að bera þau vel.

Þannig að þeir ungsveinar sem ekki uppfylla útlitskröfur fá stóra sloppa. Hinir flottu þá efnislitlu......

innskot úr okkar skæru fortíð

2006-04-29T16:51:00.000-07:00

Ég hefi tekið mér það bessaleyfi að þýða nokkra sérvalda kafla úr hinu ægimerka riti GERMANIU eftir hinn frábæra Tacitus. Hann var rómverskur ritari sem ritaði ýmislegt og hann er frægastur fyrir annála (einsog flestir aðrir ritarar) og svo auðvitað Germaniu en við erum að tala um að það var mannfræðirit síns tíma í hinum þekkta heimi (finnst mér allavega, ég veit reyndar ekki með þá sem hafa eitthvað vit þar á...). Tacitus hafði almenna grunnþekkingu á siðum einhverra germana og þjóðflokkanna þeirra, á fyrstu öldinni fyrir krist og skrifaði svona skemmtilegt upplýsingarit um það hversskonar fólk nágrannarnir í norðri voru. Þetta var alls ekkert svona; við og hinir, einsog var/er svo algengt, Tacitus hugsaði greinilega ekki niður til þeirra sem hann rannsakaði. Hann hafði líka kynnt sér þá sem höfðu aðeins meiri þekkingu á þeim germönsku en hann sjálfur, og útkoman varð þessi. Ég skil allavega ekki þá sem sjá eitthvað neikvætt og falsað við umfjöllun hans á germönum, mér finnst það allt ofursvalt.

Ég valdi út úr bókinni það sem mér finnst skipta okkur piparjónkur nútímans mestu máli. Hvernig voru forfeðurnir í eldgamla daga eiginlega? Svona kynþokkalega séð auðvitað. Hvernig feður hefðu þeir orðið og eiginmenn?

Leyfum Tacitusi bara að grípa hér orðið....

Týpískir náungar á germönnsku þingi;

"Þeir taka sér sæti eftir eigin geðþótta, í stórum hópi og allir undir vopnum. Prestarnir njóta virðingar með þögn og er veitt embætti (mannlegt og guðlegt) til að refsa. Svo heldur höfðinginn eða konungurinn ræðu en síðan hinir, röðin fer eftir aldri eða virðingarstöðu, vígaorðspori og mælskukúnstum. Áhrif hvers ræðumanns stafa fremur af hæfni hans til að sannfæra heldur en nokkurskonar valdsumboði."

Tilfinningadrama stríðsmannsins;

"Mesta hvatningin sem þeir fá til sæmdarfullrar hermennsku kemur ekki af tilviljun eða af þróttmiklu eðli né af herkænsku skipulagi, heldur af afskiptum heilla fjölskyldna og ættbálkakerfa. Ennfremur, nærri bardagavellinum eru staðsettir merkustu og áhugaverðustu náttúrusvæðin. Þaðan geta þeir heyrt tregafullt vein eiginkvenna sinna, þaðan berst grátur hvítvoðunganna. Þessi eru fyrir hvern viðstaddra þau vitni sem hann virðir mest og hræðist; þau eigna honum það orðspor sem hann metur mest."

"Í sögunnni finnum við dæmi um óstyrka herflokka, þegar á barmi flótta, sem hafa verið endurreistir af konum fyrir óbugandi importunity and entreaty (ég nenni ekki að þýða þessi erfiðu orð) því þá sýna þær brjóst sín og veita áminningu um yfirvofandi gíslatöku, sem er í augum germana það hroðalegasta sem getur hent konur þeirra." (Nú kemur vafasöm þýðing þannig að ekki bera mig saman við opinberu þýðinguna sem var gefin út á íslensku fyrir nokkrum árum...) "Andi borganna sem bjóða/búa yfir virðulegum ungmeyjum sem teknar væru (boðnar að) herfangi, hann er einbeittari í aðgerðum en hjá öðrum. " (venjuleg þýðing hefst aftur) "Þeir trúa jafnvel að þær búi yfir einhverju himnesku og spásagnaanda. Þeir telja það ekki fyrir neðan sig að leita ráða þeirra né vanrækja að iðka þau."

Hjónabönd;

"Þráttfyrir þetta allt (hann taldi sig hafa sagt eitthvað hneykslanlegt) eru hjúskaparlög haldin í miklum heiðri þar og enginn af siðum þeirra er lofsamlegri en sá, því þeir eru næstum einu barbararnir sem eru sáttir með einni konu. Undanþágur stunda háir herrar sem giftast ólíkum konum, ekki vegna girndarráða heldur er stigið í vænginn við fjölskyldurnar og mynduð hin ýmsustu bandalög."

Kynhvöt unga fólksins

"Hægt og seint fara ungu mennirnir að þreifa fyrir sér með konur og varðveita þarafleiðandi kraft æskunnar rosalega lengi. Því síður eru jómfrúrnar áfjáðar í að giftast snemma. Þau þurfa bæði að hafa sama æskufjörið, líka limaburði og giftast sem jafningjar í anda og líki. Þannig erfa börnin styrk foreldranna. Börn eru í sama áliti hjá móðurbræðrum sínum og þau eru hjá sínum eigin feðrum."

Hjónabandstilbúningur;

"Konan færir manninum engan heimanmund heldur hann henni. Foreldrar og ættingjar mæta til að meta gjafirnar og lýsa yfir áliti sínu. Gjafirnar eru ekki til að stuðla að yndisþokka kvennanna eða skrautgirni þeirra, heldur eru þar uxar og hestar fullbeislaðir, ásamt sverði, javelíni og skildi. Meðfylgjandi náttúra þessara táknrænu gjafa bindur konuna. Hún þarf reyndar líka að færa tilvonandi manni sínum vopn. Þetta telja þau öll hin helgustu bönd, þessa heilögu leyndardóma og hjúskaparguð. (ft) Það að konan sé ekki laus undan bardagaæðinu og öllu sem því fylgir, er hún áminnt um með fyrstu hjónaeiðunum. Hún kemur til með að verða félagi eiginmannsins í áhættusömum og þreytandi lífstíl, hún mun þjást eins og hann og lifa ævintýri sem hann, hvort sem er stríð eða friður. Vopnin sem eiginkonan tekur við ber henni að varðveita og afhenda svo í hendur sona sinna verðskuldandi, svo þeirra eiginkonur geti fengið gjafirnar og gefið henni barnabörn."

Barnauppeldi;

"Í öllum húsum eru börnin alin nakin og "nasty" og vaxa því útí limina, útí þennan skrokk, sem með aðdáun okkur verður starsýnt á. Þau eru öll nærð með mjólk mæðra sinna og aldrei gefin þjónustumeyjum eða fóstrum. Herrans barn verður ekki aðgreint frá þrælsbarni, af því kjassi sem því er sýnt. Þeir lifa á milli sömu nautgripanna og liggja á sömu grundu án aðgreiningar, þartil tilsettum aldri er náð þá eru frjálsborin börn aðgreind frá hinum og þeim gert að vaxa að hugrekki og siðum."

Ég veit ekki með ykkur sem hafið nennt að lesa þetta en ég, sem allsherjar piparjónka, get ekki að því gert að vera næstum því skotin í þessum forngermönum, útyfir tíma og rúm. Ég væri næstum til í að gifta mig ef þessi táknræna aðferð með vopnin væri notuð. Jámm, ég held að ég sé loksins komin með giftingarfantasíu. Ég hugga mig við að hún getur ekki ræst sökum þess hve samfélagið er nú friðsælt, en heiður fjölskyldunnar og hjónabandsins með germönum er samt mjög virðingarverður og kúl.

Fleiri stórkostlegar viðreynslusögur; and out came the bag of hair

2006-04-24T15:25:00.000-07:00

Eins og áður ákvað pipardoc að eyða föstudagskvöldi í miðbænum.
Ég sat ásamt sænskri vinkonu minni á Kaffibarnum, við vorum sætustu stelpurnar á staðnum. Óvenjumikið var um útlendinga þarna, aðallega Kana. Þeir eru yfirleitt fyrirmyndar daðrarar. Svo við sátum bara og vorum sætar og menn hópuðust að okkur, döðruðu og buðu okkur upp á drykki.
Síðan til að gera kvöldið ennþá skemmtilegra kom sætur íslenskur strákur og settist hjá okkur.
Hann kjaftaði lengi við okkur og var auk þess að vera sætur afar sjálfsöruggur, jafnvel um of. En hann var fyndinn og skemmtilegur.

Pipardoc leist ágætlega á piltinn.

Þangað til hann dró upp lítinn poka með hvítu dufti og bauð mér upp á kókaín í nös.

Ferskt loft fyrir Lafðina

2006-04-14T16:36:00.000-07:00

Það kemur fyrir að Lafðin reki nefið út um gluggann til að fá frískt loft á meðan prófin standa yfir. En í dag var gerð bylting og hún fór í bæinn og í bíó. Lafðin þurfti nefnilega að sitja sitt erfiðasta próf í ár í gær og ákvað að launa sér rækilega vel fyrir það að hafa lifað það af. Það undarlega var að Lafðin var ansi róleg fyrir og á meðan prófið var og meira að segja eftir á, það heyrðist bara ekki píp í henni af ánægu með að vera búin með prófið, það er nokkuð víst að þangað til í dag þá var hún í hálfgerðu sjokki. En til að stokka upp í heilanum á henni og gefa honum dágott frí þá skellti Lafðin sér í bíó. Hún fór að sjá Take the Lead með Antonio Banderas, sem er ekkert nema gotterí fyrir unga pipardömu að horfa á. Þetta er svona, þessi venjulega sápa um að einhver ákveður að taka erfiða nemendur í Bandarískum High School fyrir og hjálpa þeim, en Banderas gerir það með dansi. Og verður að segjast að það er þokkalega heitt að horfa á hann tangó-ast á stóra tjaldinu. Held bara að ég hafi misst andann nokkrum sinnum við að horfa á mjaðmirnar á honum hreyfast. Sjálf er Lafðin meira fyrir hinn hefðbundna vals, enda er eitthvað svo hrífandi og töfrandi við að sjá fólk líða um gólfið eins og það snerti það ekki. Ef ykkur finnst gaman að dilla bossanum í takt við tónlist mæli ég eindregið með að piparmeyjar hvar sem er skelli sér á þessa mynd. Hún er bæði yndæl, fyndin og alvarleg í senn. **** /*

Slæmir strákar

2006-04-14T03:18:00.000-07:00

Ég sat á kaffihúsi með Gumma vini mínum í gær. Við spjölluðum um margt og þar á meðal fyrrverandi kærasta og one night stands.

Ég held að ansi margar stelpur laðist af slæmum strákum.
Af hverju?
1) Við teljum að þeir séu meira spennandi og betri elskhugar
2) Sú trú að þeir muni koma öðruvísi fram við okkur, að þeir geti breyst fyrir OKKUR
3) Ef að gaurinn er ekki nógu góður þá þróast sambandið ekki, það verður alltaf viss fjarlægð á milli fólks. Þar með þarf maður ekki að takast á við það að vera í alvarlegu sambandi og þar með takast á við sjálfa sig.
4) Svo er sú trú hjá mörgum sem ekki koma úr mjög stöðugum fjölskyldum að þær eigi þetta skilið
5) það er alltaf gott að geta kennt einhverjum öðrum um manns eigin vanlíðan

Eflaust eru margar fleiri ástæður

Margir af mínum fyrrverandi hafa verið ansi sætir og skemmtilegir en aftur á móti oftar en ekki óábyrgir og svona fiðrildi sem aldrei geta ákveðið sig. Síðan hafa one night standin oftast verið gaurar sem ekki eru týpan sem maður kynnir fyrir mömmu, bad boys í anda Colin Farell.
Eftir margar 20-48 klukkutímarútuferðir í Suður Ameríku þar sem þessi mál líkt og önnur voru krufin komst ég að því að númer 1 og 3 voru aðalatriðið í mínu tilviki. Ég taldi góða stráka óspennandi en fyrst og fremst vill ég ekki of mikla nálægð svo ég þurfi ekki að takast á við sambandið og treysta einhverjum of mikið.

Sem betur fer hefur smekkur minn batnað mikið, og ég hef farið að hrífast af góðum gæjum.

Hægt er að læra helling af því að skoða þá sem maður hrífst af. Þau sem reglulega eru í ruglsamböndum þurfa að skoða sinn gang, af hverju veljið þið þessar týpur?

Afar smooth viðreynsla

2006-04-09T05:17:00.000-07:00

Ég ætla að deila með öðrum piparjónkun nýlegri sögu úr miðbæ Reykjavíkur sem sýnir klárlega daðurhæfileika íslenskra unsveina.

Ég og tilvonandi meðlimur piparjónkuklúbbsins, sem ég kýs að kalla piparundur, sátum og sötruðum bjór á ölstofunni. Að sjálfsögðu erum við myndarlegar ungar konur svo tveir ungir menn í jakkafötum komu og báðu um að setjast hjá okkur.

Annar var feiminn og hinn frakkur, eins og gjarnan gildir um tvo vini.

Sá frakki var að reyna við mig. Hann byrjaði á að spyrja hvað ég gerði og upp úr krafsinu koma að ég er læknir. Þá mundi hann eftir að hann hefði komið til afskaplega myndarlegs dökkhærðs læknis á heilsugæslunni minni. Ég sagði að það væri enginn annar kvk læknir á heilsugæslunni og þá mundi hann allt í einu að það var sem sagt ég sem hann hafði komið til. Litaðiru á þér hárið?
flott lína, enda er ég alveg ljóshærð.

Síðan röflaði hann um hversu gaman það væri að koma til lækna því þeir skipuðu manni ýmist úr að ofan eða úr buxunum. Mjög spennandi umræðuefni fyrir mig eða þannig.

Eins og gefur að skilja fór hrifning mín á umræddum ungsveini mjög dvínandi.

Hann ákvað að fullkomna sína viðreynslu með eftirfarandi brandara:
Hvað er líkt með konu á túr og jarðaberjajógúrti?

Maður veit aldrei hvenær maður á von á kekkjum?

Og svo undrast ég stundum af hverju ég hrífst ekki af íslenskum karlmönnum?

Karlmannsdundur

2006-04-07T15:05:00.000-07:00

Hehehe, rólegar stelpur og lesið lengra áður en þið dragið ályktanir. Þar sem þessi PiparLafði telur sig vera eittlítið tölvunördaleg þarf hún að kljást við ýmis vandamál í sambandi við það að hanga fyrir framan tölvuna marga klukkutíma á dag. Einhver ætti að benda henni á að allt er gott í hófi en svona er erfitt að kenna gömlum hundi að sitja að hún heldur samt sem áður áfram að misbjóða líkamanum sínum. En í dag rakst hún á enn eitt tækni undrið sem ætti að hjálpa til við að losa um einkennin og er mælt með þessu fyrir fólk sem þjáist af tölvutengdum vandræðum við úlnliði, þá sem eru með gigtarverki og fyrir tónlistarfólk til að þjálfa hendur og handleggi. Þetta er Powerball ( http://www.powerballs.com/ ), þetta er nú aðalega auglýst sem Boy Toy en þurfum við stelpurnar ekki svoleiðis líka, þannig að ef við getum ekki náð okkur í ekta Boy Toy þá er þetta ágætis viðhald á meðan. Mæli eindregið með þessu, en ef óvanir fikta þá eiga þeir eftir að sjá eftir því daginn eftir, því að þetta er ágætlega ávanabindnadi og erfitt að hætta og þá fær maður að finna fyrir því.

Lafðin, enn og aftur með andann sér við hlið ;)

ps. þetta fer að hljóma eins og Lafðin eigi við vandamál að stríða en svo er bara ekki. Hún er aðeins að slappa af yfir lærdómnum. Þetta gerist ekki svo oft, en virðist ætíð vera í gangi þegar hún bloggar hérna.

Fyrirspurn: hvernig fær maður kynþokka?

2006-04-06T13:16:00.000-07:00

Okkur piparjónkunum barst þessi fyrirspurn frá ungri fallegri dömu.

Besta kennslustundin í kynþokka er Austin Powers.

Powers by name, Powers by reputation.....

Kynþokkinn kemur helst fram þegar okkur finnst við vera gorgeous. Þegar við vitum það, þá sýnum við það og aðrir sjá það.

Til að líða sexy þurfum við oft að mála okkur aðeins og kunna að klæða okkur miðað við vöxt. Ég td er frekar hnellin en ég er með flottan barm og augu. Svo málning miðaðar að því að draga fram augun og fötin leggja áherslu á the Boosem, td bolir með V hálsmáli sem eru aðeins víðir yfir magann. Nú eða magadansbúningur sem felur í sér push up áhrif. A la Helga Braga.

Piparmærin td hefur afskaplega sérstök augu, svo hennar kynþokki sést meira þegar hún er með exotic augnmálingu.

Svo þegar maður sér sætan gaur og vill draga fram kynþokkann hjálpar mikið að hugsa um kynlíf. Þegar við hugsum um kynlíf stækkar ljósopið sem löngum er talið kynþokkafullt og munaðarblik kemur í augun sem gerir okkur aðlaðandi.

Ég er sannfærð um að aðalmálið í kynþokka er tilfinningin, okkur verður að finnast við flottar.

Ykkur er alltaf velkomið kæru lesendur að koma með spurningar.
Við munum svara ykkur og okkur til ánægju

Hugmynd til að færa smá fjör í íslenska stefnumótamenningu

2006-04-05T09:57:00.000-07:00

Stelpur, ég er hérna með smá tilmæli til ykkar. Þær sem eiga staðfest stefnumót nú þegar eða hyggja á að láta bóka sig (eða bóka sjálfar) í slíkt einhverntímann í framtíðinni, ykkur vil ég biðja um að huga nú vel að orðum mínum;

Hvað finnst ykkur um það að hætta að nota enskuslettuna "deit" eða "deitið" yfir atburðinn og persónuna og nota í staðinn ögn íslenskaðri enskuslettu sem við erum vanar að nota nú þegar?

Nýja töfraorðið er "séns"

Þetta orð á sér fastar rætur í málhefð táldrögunar á íslenska markaðnum og mér finnst það mun sætara en þetta nýja "deit". Með minni tillögu getiði t.d slegið um ykkur með setningum á borð við þessar; "ég er að fara á séns í kvöld" eða "ég komst á hörkuséns um helgina" eða enn frekar "sénsinn sem ég hitti um helgina var alveg glataður" og hið velþekkta "ég vona að ég komist einhverntímann á séns með þessum sæta í vinnunni"

Það er örlítill munur á milli orðanna í settleika. Deit er mun þurrara meðan séns lýsir ásetningi og ástríðum. Að fara á stefnumót er auðvitað allt í lagi en mér finnst það jafnvel enn meira óspennandi en deit, eitthvað svo fastmótað og ákveðið. Stefnumót á frekar við í einhverju laumulegu samhengi fyrir mig, þá passar það betur en séns. Það er ekki hægt að segja "ég komst á leyni séns um helgina" það hljómar skelfilega.

Með sénsum þarf kona jafnvel að vera til í smá sýningu fyrir þá sem eru nálægir, t.d á veitingahúsi, því sénsar eru svo spennandi og hafa náð að kveikja einhverja neista eða vonir innra með henni, annars gætum við ekki sagt að þeir séu sénsar. Þannig má þó auðvitað aðeins eiga sér stað ef sénsinn er einhver nýr og spennandi, umhverfið býður uppá það eða þá að konan er ölvuð og ekki eins ábyrg fyrir sinni siðfáguðu hegðun

(samt aldrei, ALDREI fara undir borð á veitingahúsi í einhverju perralegu skyni, ef þú ert piparjónka - því legg ég blátt bann við, jafnvel þó opinberi ráðgjafinn um þessi mál, pipardoc, segi að það sé stundum ok - ég tala sem gamaldags siðapostuli og hvet ykkur til að vera helst í svefnherbergjum (með ljósin slökkt?) en kannski getum við fundið upp einhverja ásættanlega millivegs hegðun)

En nú aftur að sénsunum....

Það þarf engin alvara að vera að baki þeim, þeir geta eins átt við skyndikynni einsog stefnumót. Ég er aðeins að biðja ykkur að nota það frekar þegar þið eruð að fara að segja "ég er að fara á deit í kvöld"
fólk mun verða miklu spenntara fyrir sögum frá stefnumótinu ef þið segið "ég er að fara á séns í kvöld"

Ef þið notið mína hugmynd munu amk vinkonurnar hringja í ykkur daginn eftir til að heyra allt um hvernig fór með sénsinn og hversu langt var gengið.

Séns hefur það frammyfir deit að það getur átt sér meiri aðdraganda og það er leyfilegt að gerast smá perró á þannig stefnumóti. Deit er örugglega dregið af blænd deit hér á íslandi og þessvegna heyrir maður aldrei um fólk sem þróaði sambönd sín gegnum stefnumót. Þeir sem reyna það eru alltaf fullir af formfestu og formúlum bandarískra bíómynda en séns felur í sér íslenska kæruleysið og að láta hlutina gerast einn tveir og nú.

Ef þú lýsir einhverjum hræðilegum sénsi fyrir vinunum muntu reyndar þurfa að skammast þín smá fyrir að hafa notað þetta orð (því það felur í sér ástríður einsog áður er sagt) en það getur líka gert söguna enn dramatískari þegar þau hugsa til þess að þú hefðir getað "komist á séns" með hræðilegum lúða. Og að þurfa að ganga í gegnum "hræðilegan séns" t.d á veitingahúsi, hljómar taugastrekkjandi.

Það er fínt fyrir karlmenn að segja þetta þegar þeir hafa verið heppnir á stefnumótum eða djamminu, ég sé þá frekar fyrir mér nota það eftirá en konur hinsvegar fyrirfram. Þessvegna beini ég tilmælunum til ykkar.

Það eru engin opinber eða leynileg stefnumót á bókum yfirpiprunnar svo að ég verð og þrái, að lifa glettnislega gegnum ykkur (og sagnaskrifin).
Alls ekkert vera að hözzla ef þið komið ekki til með að skrifa um það og nota orðið mitt!

;)

Þegar andinn kom yfir Lafðina

2006-04-04T13:07:00.000-07:00

Jamm, var víst eitthvað búin að lofa að rita hér pistla og eitthvað var Pipardoc ekki sátt við að vera ekkert búin að heyra frá mér. Var eitthvað að reyna að afsaka mig með að andinn hefði bara ekki komið yfir mig ennþá en það er nú kannski ekki rétt. Bara ekki rétti andinn. Það er nú svo að dagarnir hjá þessari piparjúnku eru ekki sem mest spennandi, oftast með nefið ofan í bókum og blöðum til þess eins að líta upp einstöku sinnum til að borða, sofa og svo náttúrulega að horfa á sjónvarpið. Fyrsta prófið er eftir viku og er þessi piparjúnka ekkert hrifin, en henni hlakkar til þegar allt er yfirstaðið og hún kemst á klakann aftur til að vinna og djamma.
Það var einn andi sem komst að þessari piparlafði í dag og það var hinn venjulegi spíritus í flösku sem finnst á hverju horni hérna í Glasgow eða ætti maður frekar að nefna það GalsaGo. Og ekki nóg með að hafa fengið sér í glas, heldur fékk ég heila flösku af Absolute Citrus Vodka í gjöf frá vinkonu. En líku geldur líku líkt (hljómar allavegana eitthvað svipað) og ekki var hennar gjöf af verri "andanum" en hún fékk stóra flösku af Brennivíni. Þetta kemur af því að fara með íslenskri piparjúnku á Þorrablót, útlendingar komast að því hvað hélt okkur gangandi hér áður fyrr og langar að komast yfir leyndarmálið.
Einnig hef ég komist að því að "andinn" hjálpar oft við lærdóminn og komst ég að því fyrir nokkru að 8. aldar írska meikar mest sense eftir eitt risastórt glas af Absolute Currant vodka og sprite. Ekkert mál að mæta í tíma smá tipsy, en mæli ekki með því fyrir próf. En það gerir tilefnið bara enn þá betra þegar loksins er skriðið út úr prófinu og inn á næsta bar. Skál stelpur.

Lafðin

Alter Egos

2006-04-04T01:36:00.000-07:00

Þeir sem hafa lesið Freud þekkja hugmyndina um egóið og superegóið (samviskuna). Við þetta vil ég bæta hugmyndinni um alter ego.

Við höfum öll misnumandi hliðar sem eru misríkjandi á hverjum tíma. Þegar ein hlið er birt í sinni ýktustu mynd, gjarnan undir öðru nafni, þá kemur alter egoið fram.

Mike Mayers hefur sagt að í myndum sínum um Austin Powers komi hann fram sem sitt alter ego, sem sagt Powers og Doktor Evil.
Önnur dæmi um þetta eru Ágústa Eva/Silvía Nótt og Egill/Gilznegger.

Mér finnst þetta frekar merkileg uggötvun. Td á Anna H vinkona mín 2 alterego, Sigríði og Friðrik. Ég á sjálf eitt alterego, Stellu sem að venjulega ræður ríkjum í skrifum mínum á þessari síðu. Það fellst ákveðið fresli í að sleppa stundum fram af sér beislinu í nafni síns alter egos. Lífið verður svo miklu skemmtilegra.

Mwuahhh hahahah

The Cake

2006-04-03T15:26:00.000-07:00

Var að horfa á frábæra bíómynd fyrir sérhverja piparjónku sem hefur snefil af væmni í sér, The Cake með Heather Graham og tilvonandi eiginmanni mínum Davit Sutcliffe mmmm.... Svo sætur..
Þar voru ýmis tips um hegðun ungra einhleypra kvenna
1) þegar piparjónkan er pínd í bleikan fluffy brúðarmeyjakjól er rétt að hún verði BLINDFULL og taki af sér brjósthaldarann og hendi honum í gosbrunn. Svo þegar piðarjónkan er ennþá drukknari skal hún vaða út í brunninn og leita að brjósthaldaranum. Sérstaklega vænlegt til höslárangurs.
2) Önnur hugmynd fyrir piparjónku í flyffy bleikum brúðarmeyjarkjól er að r*** svaramanninum út í runna
3) það er ágætishugmynd fyrir 30 ára piparjónku að lita hárið á sér blátt
4) Það er góð hugmynd fyrir piparjónku að nota ennþá sama rúm og þegar hún var 14
5) Sumar jónkur taka upp á þvi að totta deitið sitt undir borði á verðlaunahátíðum. Þetta er þó eingöngu ef gaurinn er þessa verðugur og henni finnist þetta sjálfri góð hugmynd
6) góð hugmynd er fyrir jónku að ná sér í sætan, stabílan gaur sem er dead sexy í jakkafötum og hleypur 10 km á hverjum degi (= David Dutcliffe mmmmmm..............)

Ég afrekaði ýmisslegt þessa helgi, borðaði frá morgni til kvölds, spilaði spil, (I am the Carcasonne master!) tróð í mig nammi, hékk í heitum potti til skiptis við sófa, drakk slatta af rauðvín, setti fram mismunandi útgáfur af bwuahhh ha haha, tók nokkur orkuköst (sökum meðfæddrar ofvirkni fæ ég stundum óstjórnlega orku sem ég leysi venjulega með þvi að hlaupa um íbúðina eða leika skrímsli- þetta geri ég samt ekki í vinnunni enda myndu margir sjúklingar horfa á mig með skelfingarsvip).

Það er sérhverri piparjónku nauðsynlegt að eiga vini sem þola hana með öllum hennar kækjum.

biblía vitra fólksins mun líta dagsins ljós

2006-04-02T11:00:00.000-07:00

Núna hef ég ákveðið að svara kallinu mikla og koma allri vitneskjunni á blað sem ég hef öðlast á mínum 26 árum hér á jörð. Ég vona sannarlega að þetta muni hvetja fólk til að taka sér mína sérstæðu og ýktu lífshætti til fyrirmyndar (og ekki gleyma að ala börn sín upp í anda þeirra líka). Innihald þessarar sannkölluðu galdraskræðu verður kannski í mótsögn við margt sem þessi hér vefsíða stendur fyrir en fólk þarf bara að lifa með því og gefa mér séns, ég kalla það að hlæja með mér (ein bjartsýn).

Ég hef alltaf haft þessa tilfinningu innra með mér að ég væri vitrari og með meira innsæi en annað fólk og núna ykkur til hjálpar, ætla ég að koma því öllu á blað. Það er ekki einsog ég sé á nokkurn hátt að reyna að apa eftir Gilznegger eða herma eftir honum á nokkurn hátt sko. Þótt ritið mikla muni ekki verða ýkja langt, hafa sambærilegan titil og "kannski" skrifað jafn mikið útí bláinn og bókin hans, þá vil ég bara fullvissa efasemdarseggi um að ég fékk þessa hugmynd fyrir langa löngu, áður en Gilznegger fæddist. Ég sé ekki alveg nein tengsl þarna á milli en ég er líka svo vitur. Allavega, það verður ekki hægt að ábyrgjast að þið verðið svalari af því að lesa þetta og alls ekki sætari en þið munið verða vitrari, ég finn það sko á mér!

Ég er ekki byrjuð á bókinni og því verða væntanlega einhverjar tafir en ég er mjög fljót að skrifa og láta mér detta eitthvað í hug, þannig að hér og nú ætla ég að hugsa upp smá forsmekk fyrir þá sem eru mest spenntir yfir þessu. Við erum að tala um engar stafsetningarvillur, nýir orðaleikir á hverri blaðsíðu og endalausar ráðleggingar til þess að fá gott karma í næsta lífi. Einnig það sem kemur sér vel að vita til að losna útúr lífsgæðakapphlaupinu og væntingum annarra til manns í þessu lífi en ég vil meina að það sé stærsti hlutinn af því að vera vitur. (and I should know, ha-ha-ha)

Ég er hæfust til að skrifa um lífsgæðakapphlaupið því ég missti af upphafinu og var rekin af velli og svo hef ég líka persónulega sigrast á því að láta ásakandi og fordómafullt augnaráð annarra særa mig þegar ég stend ekki undir væntingum þeirra (ég get hætt við hvað sem er og gert það sem ég vil, fólk býst ekki við öðru).

Ah, skáldskapargyðjan, nei ég meina frumleikinn, virðist vera að fela sig eitthvað fyrir mér núna. Ég verð að fresta frekari pælingum um þetta því miður og koma aftur seinna þegar uppkast að fyrsta kaflanum eða málsgreininni er tilbúið. Ég verð alltaf svo rugluð á þessum árstíma, það er sennilega því að allar landshluta fegurðarsamkeppnirnar eru að ríða yfir og vælið í stelpunum sem tapa og andlega niðurbrotið og niðurlægingin sem kemur sem eftirbátur kroppasýninganna, ruglar bylgjurnar í loftinu. Ég er rosalega móttækileg fyrir rafsegulbylgjum, það er líklega enn einn kosturinn við þennan heila. En þær eru nú að læra að koma fram þarna litlu greyin og læra rosalega mikið um sjálfstraust og dans. Ég stranglega banna ykkur þó öllum piparjónkum að íhuga að taka þátt í svona, það fylgir þessu krafa um að dansa einsog heilalaus hálfviti á hverju kvöldi í mánuð, bara útaf einni fegurðarsamkeppni og endlaus megrun og líkamsrækt í óuppgefinn tíma að auki. Ég mun venja ykkur af öllum slíkum svívirðilega móðgandi ósiðum í Biblíu Vitra Fólksins.

Ég er samt ekki að segja að heimurinn eigi ekki að sjá íslenskar konur, auðvitað, mér finnst bara ljótt hvernig er talað um aulaháttinn sem viðgengst alltaf í þessum keppnum einsog eitthvað gott. Ég meina, dans og megrun stuðla ekki að neinu gáfulega. Anyways samt, Unnur Birna rokkar, hún er fögur mey.

Það á alltaf að enda með því að segja eitthvað fallegt um það sem maður er nýbúinn að rakka niður, til að draga sem mest úr áhrifum orðanna fyrir þeim hálfvitum sem gætu móðgast yfir því að hróflað sé við lygahjúpnum sem umlykur flestallt. Nei sko mig! Ég gat fóðrað ykkur á litlum fróðleiksmola í lokin, njótið vel.

PiparLóa

2006-03-31T01:15:00.000-08:00

Sælar stúlkur og takk fyrir boðið. Ég er nú ekki mjög actívur bloggari en ég er samt actív piparjúnka og mun hiklaust mæta í piparkokteilboð og partý.

PiparLafðin mætt á staðinn

2006-03-31T00:39:00.000-08:00

Sælar piparjúnkur, hérna bætist enn ein í hópinn. Þessi er stödd í Glasgow í augnablikinu en eitthvað mun ég reyna að lýsa skemmtanalífi piparjúku hérna í bæ, inn á milli þess að vera að læra fyrir próf.
Takk fyrir boðið að fá að vera með!

Lafðin

Kynþokki

2006-03-30T14:15:00.000-08:00

Kynþokki er merkilegt fyrirbrigði.
Sumir gjörsamlega anga af kynþokka og það er ekki endilega fallegasta fólkið. Ég held kynþokkinn sé fyrst og fremst "in the look of the eye", kynþokkafulla fólkið hefur eitthvert blik í augunum sem segir ég er óþekk(ur)

dæmi um fólk sem hefur þetta er
-Richard Gere
-Angelina Jolie
-Johnny Depp
-Aragon
-Legolas
-Eddie Izzard (en BARA ef hann er í dragi!)
- Kate Winslet

of fleiri og fleiri.
Stundum labbar maður fram hjá gaur í bænum og bara við að horfa á hann veit maður að hann er góður í rúminu. How are you doing......
Ég hef sjaldan haft rangt fyrir mér í elskhugavali, (nema í eitt skipti í Noregi og þá svaf ég bara hjá honum til að hefna mín á mínum fyrrverandi)
það mætti bara vera meira af verðugum eintökum.

Hamingjan

2006-03-30T06:22:00.000-08:00

Þessum snilldarteksta rændi ég af heimasíðu Maríu vinkonu minnar

True Happiness This Way Lies

And have you ever wanted something so badly
That it possessed your body & your soul
Through the night & through the day
Until you finally get it!
And then you realise that it wasn't what you wanted after all.
And then those selfsame sickly little thoughts
Now go & attach themselves to something........
or somebody....new!
And the whole goddamn thing starts all over again.
Well, I've been crushing the symptoms but I can't locate the cause.
Could God really be so cruel?
To give us feelings that could never be fulfilled.
Baby!I've got my sights set on you.
I've got my sight set on you
And someday, someday, someday, you'll come my way.
But when you put your arms around me
I'll be looking over your shoulder for something new'
Cause I ain't ever found peace upon the breast of a girl
I ain't ever found peace with the religion of the world
I ain't ever found peace at the bottom of a glass
Sometimes it seems the more I ask for the less I receive
Sometimes it seems the more I ask for the less I receive
The only true freedom is freedom from the heart's desires
& the only true happiness....this way lies.

Fallegt finnst mér! og hversu oft vælir maður yfir því hvað manni vantar eitthvað? kærasta, kynlíf, peninga, tíma osfv

An Officer and a Gentleman

2006-03-30T04:48:00.000-08:00

Ég var að horfa á þessa gömlu mynd, í henni leikur Richard Gere þegar hann er undir 30 ára og vá hvað gaurinn er hot í myndinni!
Kynlífssenurnar eru líka ansi góðar, þe ekki of grófar en samt nóg til að setja hugmyndaflugið af stað
mmmmmmm

Piparjónkan og kynlíf

2006-03-27T13:58:00.000-08:00

Í kynlífi líkt og í öðrum þáttum lífsins fylgir piparjónkan grunnreglum sínum;

1) Piparjónka reynir alltaf að vera siðfáguð og með sómakenndina í lagi.
2) Piparjónka lætur engan kúga sig til að þóknast væntingum samfélagsins.

Piparjónkan gerir því það sem hún vill, með þeim sem hún vill og þegar hún vill.

Í okkar þjóðfélagi ríkja gríðarlegar öfgar, það eiga allir að hafa prófað allt og vera endalaust opnir. Það þykir ekki kúl að vilja ekki stunda rakstur á öllum líkamshárum (þetta gengur jafnt yfir bæði kynin núna með nýju metro kynslóðinni, lengi lifi jafnréttið!) eða vilja ekki stunda munnmök osfv. Piparjónkan er algörlega á móti því að gera einhverja hluti af því að það þóknast öðrum, hún gerir bara eitthvað af því að hún hefur ánægju af því.

Margar piparjónkur kjósa að vera "lauslátar". Þær líta ekki á lauslæti sem löst að neinu leyti. Lauslæti hefur verið skilgreint eftir einhverjum staðli sem gamlir karlkyns forferður bjúggu til. Konur fá fljótt á sig lauslætisstimpil ef þær hafa sofið hjá mörgum karlmönnum, yfirleitt er miðað við að viðurkenna ekki að hafa sofið hjá meira en 10 mönnum. Þetta gildir einnig þegar piparjónkan er orðin 35 ára og hefur stundað kynlíf í ca 17 ár. Það er rúmlega hálfur dráttur á ári. Einnig fær kona á sig lauslætisstimpil ef hún hefur td sofið hjá últlendingum eða er góð í rúminu. Piparjónkan lætur lætur þetta sem vind um eyru fljúka og sefur hjá öllum sem henni langar til að sofa hjá.

Þrátt fyrir hættuna á lauslætisstimpli á nútíma konan að vera endalaust opin og vera til í trekant, kynlíf opinberlega osfv. Hér fylgir piparjónkan sínum grunnreglum. Ef henni finnst einhver kynlífsathöfn áhugaverð þá stundar hún hana en hún harðneitar líka öllu sem misbýður hennar sómakennd.

Piparjónkan býr venjulega yfir mikilli reynslu á kynlífssviðinu en hún deilir henni einungis með útvöldum elskhugum sem eru hennar virði.

Við í piparjónkufélaginu munum eftir bestu getu leiðbeina okkar félagskonum sem og almenningi í þessum efnum.

Grunnupplýsingar um piprun kvenna

2006-03-25T06:01:00.000-08:00

Til að komast að því hvort í þér leynist kannski piparjónka:

10. Piparjónka reynir alltaf að vera siðfáguð og með sómakenndina í lagi. Hún lætur engan kúga sig til að þóknast væntingum samfélagsins.

9. Piparjónka telst hver sú stúlka sem er komin yfir 25 ára aldur en er ekki við karlmann kennd (þá stundina). Hún má aldrei hafa eignast barn (nema auðvitað í lausaleik) né verið trúlofuð.
Það er hægt að vera yngri en þá kallast það "að vera pipruð í anda" því manneskjan er svo staðráðin í því að vera sjálfstæð.

8. Það er hægt að skipta piparmeyjum í þrjá hópa; strangar, frjálslyndar og blandaðar.

Þær ströngu eru kynkaldar og hafa ekki áhuga á kynferðislegum efnum, þær laðast að fórnfúsum störfum eða andlegum. Þeirra motto er; "það er gott að hafa heilbrigða skammarkennd". Þær minna oft á kennslukonur frá viktoríutímanum.

Frjálslyndar piparmeyjar eru afturámóti alltað því líklegar til þess að eiga hjálpartæki ástarlífsins og leita sér að nætursvein, kærasta eða eiginmanni, þegar þær hafa tíma til frá því að vera sterkar og sjálfstæðar í námi eða á vinnumarkaðinum. Mottó þeirra er; "Þótt leitin verði löng mun ég finna eina verðuga karlmanninn á jörðinni til að njóta mín".

Blandaðar piparjónkur eru bæði strangar og frjálslyndar, þessir þættir togast á í sálarlífi þeirra og úr verður einhver sérkennileg einstaklingsgerð. Motto þeirra er; "Hver og einn er spes og ég þarf ekki að afsaka mig". Týpískt fyrir blandaða piparjónku er að kalla sig femínista í gríð og erg en fara í efnislitlum klæðnaði á djammið. Við hér á síðunni erum allar blandaðar því þannig eru langflestar nútímakonur í vestrænum samfélögum.
Það getur verið óvænt og spennandi (jafnvel hættulegt ef þú ert karlmaður) að kynnast piparjónku því við fyrstu kynni er engin leið að sjá utan á henni hvor þátturinn orkar sterkar, sá strangi eða frjálsi. Fyrr á öldum voru flestar piparjónkur annaðhvort hórur eða nunnur ( og auðvitað vinnukonur)

Hér verður ekki lagður neinn dómur á hvers eðlis piprun einhvurrar er, heldur sameiningu allra piparmeyja landsins í einn öflugan þrýstihóp.

7. Ástæðan fyrir því að "sannar" piparjónkur ná sér ekki í karlmann er vegna þess að þeir pikka upp strauma frá þeim um að þær verði aldrei hlýðnar og eðlilegar eiginkonur. Sum samfélög líta á þetta sem bölvun og af því stafar óttinn við piparjónkur almennt.

6. Piparjónkur nútímans eru ákveðnar, sterkar, sjálfstæðar og yfirleitt mjög vel gefnar. Þær óttast ekki framtíð án afkvæma og ástar en þeim er ekki bannað að láta sig dreyma um slíka hluti, sumar líta á piparjónkuárin sín sem undirbúningstímabil fyrir hjónband.

5. Hetjur okkar piparmeyjanna eru miðaldra konur sem aldrei hafa gifst né vitanlega verið í sambúð eða undir karlmanni komnar (öðrum en pabba sínum og ættmennum)
en eru samt skapandi, skemmtilegar og frjálslyndar.

4. Helstu áhugamál pipraðra eru oftast eitthvað rólegt en uppbyggilegt, t.d að lesa góðar bækur, sauma, mála og teikna eða að afla sér upplýsinga um menn og málefni. Við höldum ímynd hins músalega bókasafnsvarðar á lofti með stolti.

3. Piparmeyjar hika ekki við að skjóta á karlmenn þegar tilefni er til. Þær þurfa að vera nægilega sterkar til að þora að taka yfir áhugasvið karlmanna eða að grafa undan þeim þegar þeim langar, t.d tölvuleikjum, líkamsrækt og öðru álíka heimskulegu.

2. Piparmeyjar eiga alltaf kött eða eitthvað annað sætt lítið gæludýr til að annast. Í versta falli hugsar piparjónka um móður sína eða aðra ættingja.

1. Aðeins örfáar piparmeyjar af heildarfjöldanum lenda í því að pipra af því að þær eru svo óaðlaðandi. Heilbrigðiskerfið hefur líka skánað og þá pipra auk þess færri af því að hugsa um aldraða foreldra. Einsog mun sjást þegar við setjum myndir af okkur hingað inn, er það mikil ranghugmynd að konur pipri vegna þess að þær séu ófríðar eða eitthvað þannig. Það var kannski stundum þannig í gamla daga en núna er þetta allt spurning um einstaklingsval.

Langflestar piparmeyjur nútímans eru að hözzla misjafna náunga útígegnum piparjónkudóm sinn og piprunin háir þeim ekki neitt en margir menn fara illa útúr ástarsorgum sem því fylgja.

Eitt algengasta fórnarlamb raðmorðingja er piparjónkan, við erum því alltaf í lífshættu stelpur. Hafið augun opin!

Íbúð piparjónkunnar

2006-03-24T10:27:00.000-08:00

Nokkrir hlutir eru einkennandi fyrir íbúð piparjónkunnar
1) í íbúðinni er kokteilbar þar sem sitja má í háum stólum með krosslagða fætur í elegant dressi og sötra kokteila eða rauðvínsglös
2) það er gæjugat á hurðinni svo ekki þurfið að opna fyrir ófríðum blinddates eða stalkerum
3) Það er anddyri þar sem deitin fá að bíða meðan piparjónkan eykur sína náttúrulegu fegurð
4)Það eru stólpar á rúmbarminum fyrir leiki ástarlífssins
5) það er stór stofa to entertain the guests
6) Það er sólpallur til að flatmaga í sólinni og láta unga myndarlega menn þjóna sér með drykki. Ef slíkir finnast ekki hér á landi verða þeir fluttir inn frá Brasilíu

Pipardoc: draumar eru nauðsyn

Velkomin á vefsíðu Piparmeyjafélags Íslands

2006-03-24T09:28:00.000-08:00

Hérna er ætlunin að gera grein fyrir helstu hugðarefnum og ástríðum piparmeyja þessa lands. Ef þú ert að pipra og kannt því bara vel, kíktu þá hingað oft og lestu um karlmenn, sjónvarpið, djammið og einmanaleikann, ásamt reynslusögum frá konum sem hafa valið að sleppa hendinni af ástandinu sem við erum svo stoltar af, að vera að pipra.